Nod yr elfen hon oedd gwella sgiliau pobl ifanc er mwyn eu paratoi ar gyfer y byd gwaith.
Darparwyd cymorth i bobl ifanc ddod i adnabod eu sgiliau a chryfderau gan gynnwys cyngor ar gyfweliadau, adnabod sgiliau byd gwaith, darganfod cyfleoedd byd gwaith a chymorth CV ac ymgeisio am swyddi. Fe’u hanogwyd i fanteisio ar gyfleoedd lleol gan gynnwys profiad gwaith, gwirfoddoli, prentisiaethau a swyddi.
Rhoddwyd hyn ar waith trwy ymweld ag ysgolion a cholegau addysg bellach a chyflwyno’r agweddau gwahanol ar ffurf sgyrsiau a gweithdai wyneb i wyneb. Galluogodd hyn i ni deilwra’r gefnogaeth ar sail 1-i-1 gyda phlant a phobl ifanc.
Datblygwyd cyfres o fideos i hyrwyddo’r cynllun ac amlygu’r cyfleoedd cyffrous sydd ar gael yn lleol.
